pila de pila de mujhe jaam saaqi
dua duN mai jab luN tera naam saaqi
maiN peeta agar huN, buree baat kya hai
bure aur bhee hain yahaan kaam saaqee
jo pi kar na bahke, na hi ladkhadaaye
use dena bose ka inaam saqi
jawani teri bhi jawani meri bhi
dhali hai, dhalegi har ik shaam saaqi
too kar le mujhe apne rindon men shaamil
na allah hai mera na hai raam saaqi
yeh masjid, yeh mandir mujhe ek se hain
mile maikade men hee aaraam saaqee
nahiN paas kuch bhi tujhe duN jo ab maiN
laga de lage jo mera daam saaqi
isi FikR meiN tha kaha shab guzaaruN
tere pas layee hai fir shaam saaqi
No comments:
Post a Comment