muhabbat ke jaisa nasha hi nahi hai
sabhi kuch hai isme wafa hi nahi hai
pada aaine se mujhe dil lagana
mere jaisa koee bana hi nahi hai
musaafat ka apni akela mai raahi
mere sath koe chala hi nahi hai
jala hai bujha hai, sahar shaam suraj
dhala jo mera din ugaa hi nahi hai
ladega bhi kaise fir apas mein insaaN
jahaN par suna hai khuda hi nahi hai
bade ghar ki ladki, bhale ghar ka ladka
laga to hai podha, phalaa hi nahi hai
pareshaan ho itne, aji baat kya hai
batana nahi ya.. pata hi nahi hai
laga kaise goolar* ye daman ko mere
badha hi kiya gham, ghataa hi nahi hai
use maangna tum na taaroN se hargiz
gira jo wahaN se, milaa hi nahi hai
munafe ki tumko lagi fikr aadat
magar ishq mai to nafa hi nahi hai
No comments:
Post a Comment